Niewidzialno ręka

Absolutno władza
Jak bez dna studzienka
Łóna wszystko czimie w łapie – niewidzialno ręka

U nos w kraju kiepsko
To życie przez męka
No bo grabi durś do siebie – niewidzialno ręka

Choć i zdrowio ni ma
To nie wolno stękać
I w tym gorku stale miyszo – niewidzialno ręka

Ale fto mo chody
Ni mo się co lękać
Takim zawsze błogosławi – niewidzialno ręka


REF: To są cuda niy do wiary, rzeczy nie pojęte
Jedna ręka drugo myje i sóm łobie świynte


Kómu tu się kłaniać
Przed kim mómy klękać
Jak niy wiymy jak wyglądo – niewidzialno ręka

Czymu nos traktuje
Jak małego synka
I poradzi tak dokopać – niewidzialno ręka

Czasym tyż się zdarzo
Jak to piszóm w księgach
Że wybranym ręka podo – niewidzialno ręka

Bez to trza się starać
Robić na potęga
Wtedy hojnie wynagrodzi – niewidzialno ręka